В заряджіню соціалных служеб Дотык в Меджілабірцях спомеджі 35 кліентів половина мала позітівны выслідкы aнтіґеновых тестів. Потвердила то Леа Геілова з одділіня комунікації і пропаґації Уряду Пряшівского самосправного краю. Позітівно тестованы суть ізолованы од остатніх людей на єднім штоку. Позітівны выслідкы мало і пять робітників заряджіня, з котрых троє суть в домашній ізолації a двоє, котры суть без признаків, суть в ковідовім колектіві. Сітуацію в заряджіню конзултують з реґіоналным урядом верейного здравотництва. Як наше радіо русин.ФМ інформовав директор заряджіня Дотык в Меджілабірцях Іґор Маґера, вчера было зроблене плошне тестованя PCR тестами, но выслідкы іщі не суть знамы. (А. Кузмякова, TASR).