В левочскім шпыталю святочно отворили нове місце роботы маґнетічной резонанції. Діаґностічный центер є выбавленый сістемов 3Т Віда в области неінвазівной зображовачой діаґностікы. Директор шпыталю Франтiшек Лешундак увів, же іде о єдно з наймодернішых заряджінь свого другу на Словакії. Наклады у вышцї 3,1 міліона евр градив шпыталь з властных жрідел а проєкт загорняв і выставбы новой будовы. Од 1.юла буде нове робоче місце фунґовати на дві змены, што подля директора выразно скоротить добу чеканя на вышетрїня. ,,Модернізація радіодіаґностікы є ключовым первком нашой стратеґії. Заведжіня MRI сістемы Віда представлює інвестіцію не лем до шпічковой технолоґії, але головно до здравя паціентів.

(TASR, Шутіова)