В пятніцю 6-го септембра в просторах Архієпіскоского уряду в Пряшові проходило перше засіданя Митрополітной катехетічной комісії Ґрекокатолицькой церькви sui iuris на Словакії. Засіданя вів председа – владыка Мілан Лах, братіславскый помічный єпіскоп. Участны были вшыткы членове – за Пряшівску архієпархію, Кошыцьку і Братіславску єпархію. Комісія занимала ся головно приправов учебників катехізісу і реліґійной выховы на основных і середніх школах, формаційов катехетів, ревізійов условій про здобытя і утриманя канонічной місії про навчаня катехізісу ці приправов нового катехізісу. Митрополітну катехетічну комісію установила Рада єрархів Ґрекокатолицькой церькви sui iuris на Словакії на своїм 36-ім пленарнім засіданю на початку юла того року.

(Медвідь, ISPA)