Місто Ужгород у співпраці із Сабіновом зреалізує черезгранічный проєкт, котрый є заміряный на діґіталізацію семох културно-історічных обєктів, інформує о тім аґентура TASR. Цільом проєкту є звекшыти свідомость людей і піпдора розвитку турістічного руху в тых двох містах. Проєкт під назвов Heritage3D є фінанцованый із грошей Европской унії в сумі майже 300 000 евр. Аґентуру TASR о тім інформовав проєктовый референт Містьского уряду в Сабінові Павол Молнар. В Сабінові подля Молнара окрім історічного центра, градных мурів вєдно з вежами, містьской дзвоніці, будуть предметом діґіталізації і сакралны обєкты як Євангелицькый костел, Римокатолицькый костел святого Йоана Крестителя і Римокатолицькый костел Дівы Марії. Проєкт є напланованый на 12 місяців. Цілковы кельчікы будуть 332 640 евр, причім од Унії дістануть дотацію в сумі 299 376 евр. Джерело фотоґрафії: tourinform.org. (LEM.FM, Pkf)