Зреконштруованый зимный штадіон у Свіднику навщівило уж веце як 10.000 людей
Зреконштруованый зимный штадіон у Свіднику навщівило од його отворіня в октобрі минулого рока дотеперь веце як 10.000 людей. Пресаґентуру TASR о тім інформувала говоркыня міста Свідник Крістіна Тхірова. К понедільку (9-го януара) была подля єй слов навщівность 10.679 людей. Найвеце їх пришло в першый вікенд (22-го і 23-го октобра) в часі отворіня по реконштрукції, як і в часі рождественных вакацій, кедь была денна середина 384 людей. Найвеце, 445, їх пришло 6-го януара. Як дале Тхірова увела, напрік споминаным позітівным справам суть осторожны і фурт мають на очах чісла, котры їм гала і удыржба приносять. Роботы на застрішіню ледовой плохы тырвали 9 місяців. Цілковый келчік представував суму веце як 1,3 міліона евр. З того 400.000 евр было заплаченых з екстерных джерел і решта была фінанцована через увер. (TASR, Pkf)
-
Назад / Nazad Молодеж мала зимный табор в Юсковій Волі
-
Далше / Dalše Гуманітарну поміч з Пряшівськой архієпархії передали людям в україньскім місті Харьков