В традиції добровольницькых таборів продовжує Клуб воєньской історії Бескиды і тот рік. Того року першый з них зачав ся уж  днесь і буде тырвати до завтра. В часі нього 16 добровольників зо Словакії і Мадярьска зачали робити на войновім цінтерї у Велькропі в окресі Стропків, де ся будуть занимати натераням плота, хрестів, але і управльованьом терену воєньского цінтеря. Як про пресову аґентуру TASR Мартін Дробняк повів з Клубу воєньской історії Бескиды, „в наслідуючій день ся будуть замірьовати на обнову цінтеря в селі Гостовіце, в окресі Снина. Там будуть тыж реалізувати роботы на захрану цінтеря, то значіть оправу деревяного оплочіня, вычістіня терену цінтеря, але і оправу научного пішника.  Меджінародны доборовольницькы таборы заміряны на оправу войновых цінтерїв орґанізує споминаный клуб уж од 2011-го року. „В послідніх роках такым способом навщівило северовыходну Словакію уж стовкы добровольників з країн, як суть Чеська република, Мадярьско, Австрія, Поландія, Україна, Румунія, і правдаже і Словакія,“ додав Дробняк. (TASR, Пкф