Місто Бардейов дістане од міністерства фінанцій дотацію тристо тісяч евр на выбудованя моста в містьскій части Довга Лука над ріков Каменець. Выпливать то з недавного рішіня владного кабінету. В попередніх роках міст пошкодили уж три потопы так, же го мусили цалком заперти. На выбудованя нового моста потребують высше штиристо тісяч евр. Окрем владной дотації місто рахує і з властныма фінанціями.
(Петро Кімак-Фейко)