На Вызву Партіціпатівный розрахунок ПСК выділило 438 тісяч євр
Пряшівска крайска самосправа (ПСК) выділила в року 2025 на Вызву Партіціпатівный розрахунок 438 тісяч євр. Алокацію перерозділить меджі публічноосожны проєкты, котры здобудуть найвысшу підтримку публікы в СМС голосуваню. Приниманя жадостей про програм є уж одкрытый і тырвати буде до 31-го януара того року. Вышка дотації на єдну жадость є притім 10 тісяч євр, а то без повинного сполуфінансованя. Замірьом Вызвы Партіціпатівный розрахунок ПСК, котрый выписала крайска самосправа в року 2022, є підтримка проєктів заміряных на іновацію існуючого або вытворіня новой публічной службы в публічнім просторі і тыж на ревіталізацію тых самых просторів або їх комунітну інфраштруктуру. О дотацію Пряшівской жупы ся можуть уходити незісковы організації, ґражданьскы здружіня і церькви, котры діють на теріторії краю. Грантовы гроші здобудуть тоты з них, котры в СМС голосуваню, котре буде проходити од 22-го марца до 5-го апріла 2025-го року, здобудуть од жытелів краю найвеце голосів. Успішны проєкты будуть реалізовати ся в часі того року, при чім послідній термін на скінчіня активіт є 31-ый октобер. (PSK, Pkf)
-
Назад / Nazad ПСК приймать жадости в рамках розрахунку до кінця януара
-
Далше / Dalše 440 тісяч людей навщівило в минулім році музеї і ґалерії ПСК