На выходї Словакії бы мав вырости новый надземный склад ропы і петрохемічных выробків. Новы склады планує коло Воян поставити компанія SWS, котрой сполочниками суть фірмы Словнафт і Транспетрол. На тоту інвестіцію бы ся мало выналожыти высше 45,5 міліона евр. ,,В уведженых накладах не є загорнута реконштрукція, припадно оправа роповоду з Будковець до ареалу сполочности SWS. Предметом рішіня не є тыж демонтаж автентічных складуючіх резервоарів і ставебна приправа місця на збудованя новых резервоарів” додала фірма у своїм замірї, котрый уж передложыла на посуджіня впливів на жывотне середовиско. З выставбов трёх новых резервоарів бы сямало зачати в першім кварталю будучого рока. Очекованый термін закінчіня выставбы і зачатя скушобной превадзкы є в третїм кварталю рока 2021.

(Korzar, Шутіова)