Вшыткых 12 основных школ, котры патрять під місто Пряшів гладко перейшли з презенчной формы навчаня на електронічну вєдно выховных предметів. Школы суть од 13-го марця у звязку з обявліньом нового коронавірусу заперты. Пресову аґентуру TASR о  тім інформував говорця міста Пряшів Владімір Томек. Як далі повів, „Учителі ся скоро приспособили новій сітуації і в рамках повинного електронічного навчаня ся учням приговорюють і онлайн і можуть так пояснити новый учебный матерял наприклад з общой ізбы. Окрім самого навчаня проходить електронічні і задаваня домашніх задач, методичных листів і тестів вєдно  оцінюваня. Домашні задачі доставають учні на денні базі, так як є то в школі, причім учитель фурт призначіть ці іде о короткочасову, або довгочасову задачу.  (TASR, Pkf)