Девятнадцять тісяч потравиновых пакунків рознесуть робітници кошыцькой Aрхідіецезной харіты од того місяця до половины октобра того року в десятьох окресах выходной Словакії. Пакункы з вагов тринадцять і пів кіла ся роздавають в рамках проґраму Eвропской унії. Каждый обсягує ріскашу, oлій, різанкы, ленчу, горох, фасолю, муку, iнстантны поливкы, сушене молоко, сардінкы, пащеку, ґуляш і мясо в конзерві. Подля списків Центра праці, соціалных справ і родины, приїмателями пакунків суть люде в біді – родины з дітми, інваліды і пензісты. O терміні перевзятя пакунків, місці і часі доручіня, суть люде інформованы тыждень допереду особным запрошіньом або телефоном. Особам, котры мають здравотны проблемы, буде пакунок переданый прямо на місці їх перебываня.
(Петро Кімак-Фейко)