Села, міста, незисковы орґанізації, обчаньскы здружїня, реґістрованы церькви ці фізичны і правницкы особы можуть од завтра посылати жадости до выголошеных дотачных схем Пряшівского самосправного края (ПСК) на рік 2026. Цілком три вызвы будуть отворены од четверга 1-го януара до неділі 1-го фебруара 2026-го року. Шырока публіка ся так може залучіти до Вызвы пославців ПСК, Вызвы Партіціпатівный розрахунок і Вызвы Рішіня потравіновой доступности. Край цілком перерозділить аж 2,4 міл. евра. Найвекша сума фінанцій, аж 1,95 мілійона евра, є алокована про Вызву пославців ПСК. Джерело фотоґрафії: ПСК (ПСК, Пкф)