x

ПСК планує в року 2023 оправити мосты і драгы за веце як 60 міліонів евр

00

Пряшівськый самосправный край (ПСК) планує в року 2023 оправити мосты і драгы за веце як 60 міліонів евр. Інформувала о тім говоркыня края Даша Єленьова з тым же ПСК на то поужыє властны і европскы джерела, як і фінанції з 30-міліонового уверу. Як говоркыня конкретізувала, же актуалні у Высокых Татрах реконштруують окрім іншого 43 кілометрів Драгы слободы і многы єй мосты, так в часі дальшых двох місяців будуть то дальшых 20 кілометрів драг і 11 мостів. Окрім Драгы слободы з цілковым келчіком 42 міліонів евр, реалізують ся роботы і на 16-кілометровій довгій трасі Мала Домаша – Детрік, де бы ся мало проінвестовати веце як два міліоны евр. На осінь хоче ПСК шофером дати до ужываня і оправеный міст на Соліварскій улиці в Пряшові. В авґусті і септембрі знова будуть ся реалізувати роботы на дальшых 20 кілометрів драг ІІ. і ІІІ. класу вєдно  реконштрукції мостів. ПСК справує сіть 2443 кілометрів комунікацій ІІ. і ІІІ. класу і 1231 мостів. (TASR, Pkf)

Прочітайте собі / Pročitajte sobi