x

ПСК приймать жадости в рамках розрахунку до кінця януара

00

До 31-го януара можуть заінтересованы передложыти свої жадости о дотацію в рамках вызвы Партіціпатівный розрахунок Пряшівского самосправного краю. Край на ню выділив у 2025-ім році суму 438 тісяч евр. Алокацію перерозділить меджі проєкты, котры здобудуть найвекшу підпору в SMS голосованю. О дотацію можуть жадати безпрофітовы орґанізації, обчаньскы здружіня і церькви з теріторії краю. Тота схема дотацій принесла за попередні три рокы свого фунґованя реалізацію 63-ох проєктів в цілім краю за майже 630 тісяч евр. Обновили ся народны културны памяткы, ревіталізовали паркы, выбудовали гріска про діти, оддыховы зоны ці научны стежкы.

(Медвідь, TASR)