Русиньска оброда на Словеньску і Окресный уряд, одбор школства в Пряшові выголошують ДУХНОВІЧІВ ПРЯШІВ 2019, юбілейный 20-ый річник цілословацького конкурзу в декламації русиньской поезії, прозы, властной творчости, малых сценічных форм і людового розповіданя. Kонкурз ся одбуде 10-го юна 2019 в Театрі Александра Духновіча в Пряшові (о 9.00 г). В конкурзі можуть брати участь діти матерьскых і основных школ, штуденты середніх і высокых школ як і дорослы декламаторы, котры на окресных ці іншых поступовых  змаганях досягли 1. місце. Окресны конкурзы ся дотеперь одбыли в окресах Меджілабірці, Снина і Стара Любовня. (А. Кузмякова)