Інтерес україньскых штудентів о штудіюм на Пряшівській універзіті (PU) в Пряшові з рока на рік ся звышує. Актуалні ту штудує скоро 1370 штудентів з Україны з цілкового чісла 8500 штудентів. В минулім року на PU штудовало 910 україньскых штудентів. Про пресаґентуру  TASR то увела говоркыня універзіты Анна Полачкова. Найвеце чужинців є записаных на  Філозофічній факулті і Факулті манажменту, економікы і обходу. Найвысшый подїл чужинців є записаных на православній богословскій факулті. Зо штудійных проґрамів, котры суть выглядаваны меджі україньскыма штудентами, мож спомянути наприклад штудіюм чужых языків, тлумачіня і перекладаня, стредоевропскы штудія, але і соціална праця, політолоґія ці штудійны проґрамы в області манажменту і маркетінґу. (TASR, Pkf)