Крайска орґанізація турістичного руху (KOCR) Северовыход Словакії приправила 14-ый річник фотоґрафічного змаганя „Choď a foť – Prešovský kraj“. Новинков актуалного річника є катеґорія призначена дітьскым авторам і цена Музея Йозефа Максіміліана Пецвала в Спішскій Бeлій. Пресаґентуру TASR о тім інформувала Барбора Чехова з KOCR Северовыход Словакії.   Як повіла, конкурз є призначеный аматерскым і професіоналным фотоґрафам. Главнов задачов авторів є зафіксовати красы або дашто інтересне з Пряшівского края.   Знимкы буде оціньовати фахова журі. Змагати ся мож в семох катеґоріях: 1. Фотоґрафія країнкы, 2. Фавна і флора, 3. Архітектура, 4. Култура, традиції і історія, 5. Чоловік і край, 6. Зажыткы і вольный час і 7. шпеціална катеґорія рока 2026 Діти фотоґрафують, призначена авторам до 15 років. (TASR, Пкф)