Шыфа Богемія є од понедількового вечора знова на водах Домашы. Почас сезоны має ходити пятьраз за день, про доволенкарів є приготовленый і шпеціалный проґрам, повів про медії Радован Капраль, староста Кваковець, села, котре ся о ход шыфы посередництвом свого обчаньского здружіня старать. Шыфу хотіли дати до сезонного ходу вже од Великодня, но про коронавірус зачаток сезоны мусили одложыти. Богемія на Домашу вернула влони по 26-ох роках і свою першу плавбу тот рік абсолвує 19-го юна. Капраль вірить, же сезона буде про шыфу, котра была про недостаток воды минулый рік одставлена вісем місяців, прязна. Село через здружіня взяло до роботы на шыфі трьох людей. Успішна сезона є зато предпокладом і про економічный успіх проєкту.

(Медвідь, Korzár)