Уровень водных токів при границях с Українов і Венґрійов ся понижила лем барз мірно. В окресох Міхалівці і Требішов платить моменталні выстрага 2. ступіня перед поводнями. Словацькый гідрометеоролоґічный інштітут ю выдав до кінця днешнього дня. Вышка уровні рікы Латоріца в станіці Великы Капушаны досягувала вчера о 16.00 годині 752 центіметрів. Бодроґ в Стреді над Бодроґом быв в згоднім часі на уровні 857 центіметрів. Вышка уровні обох рік то значить од рана ся понижыла лем о пару центіметрів, і так іші фурт зодповідають 3. ступіню поводньовой актівіты.
(TASR)