Аквапарк в Липанох в окресї Сабінов є подля пріматора Владїмира Яношика перед докінчінём. Як увів про ТАСР, в юну планує сукромный інвестор отворити лїтню часть з вонкашнїма базенами і першов частёв тобоґанів. На місцї, де ся находить аквапарк, є сверловина з термалнов водов,котра має скоро 90 ґрадусів. По отворіню лїтнёй части буде інвестор продовжоватив докінчіню части цїлорочной превадзкы. Од докінчіня і спущіня аквапарку обчекують розвой цестовного руху. ,,Є то таке сердце будучіх Липан. Самособов, хочеме до будучности інвесторови і будучім навщівникам помочі формов розвоя ціклотрас ідалшых можностей навщівности. На ярь хочеме выпрацовати штудію, бо маєме 15 гектарів властных поземків, на котрых є штиригектаровый аквапарк. Рады бы сьме выпрацовали простїшу штудію і понукли на продай поземкы будучому інверсторови, котрый бы хотїв подникати наприклад в области ґастро служеб і уквартелёваня, “ додав Яношик.

(ТАSR, Шутіова)