Ареал Турзовскых купелїв при Ґелніцї в суботу (31.7.) отворять про верейность. Сучастёв буде і бріґада, в рамках котрой в околіцї Турзовского озера прибудуть лавочкы і додаткова турістічна інфраштруктура. TASR о тім інформовала говоркыня Кошыцького самосправного края (КСК) Анна Терезкова. Як припомянув председа КСК Растїслав Тырнка, край приготовлює комплексну реконштрукцію Турзовскых купелїв. Бріґаду напрямену на ревіталізацію той рекреачной области орґанізує КСК в сполупраці з містом Ґелніця. В ареалї планують управити алтанкы, огниска, вход до ареалу, осаджены будуть новы лавічкы, смітны кошы і деревяны сохы, котры будуть частёв турістічной інфраштруктуры. Бріґада ся в ареалї озера Турзов зачне в суботу о 9.00 год. Сучастёв отворіня ареалу буде тыж културный проґрам. КСК вірить, же і такым способом ся му подарить ожывити путёвый рух в тій части Гнилецькой долины.

(TASR, Шутіова)