Місто Бардейов ся обертать на жытелів дотазником, жебы своїм поглядом помогли вытворити Комунітный план соціалных служеб, котрый бы одповідав сучасным потребам. Дотазник є опублікованый на вебсайті міста. Бардейовчане го можуть прямо выповнити і електронічно послати на містьскый уряд до девятого мая. Місто готує актуалізацію Комунітного плану нa рокы 2018-2022. Цільом зміны є зліпшыти сітуацію соціалных служеб в місті так, жебы успокоїти конкретны потребы людей в найблизшім часі. Дотазник,  котрый мать дванадцять опросів, є анонімный.
(Bardejov.sk, А. Кузмякова)