Выробцёви фотоволтічных панелїв, кошіцькой компанії Аґора Солар схвалили у четверь пронаём промыселной галы врановскы містьскы посланцї. Місто ю поставило в роцї 2020 у своїм промыселнім парцї Ферово з дотації здобытой в рамках акчного плану про найменше розвиты окресы. Спомянута компанія, котра ся до повторюючого обходного верейного змаганя приголосила як єдина, там планує вытворити 50 робочіх місць. Як повів председа представенства Аґора Солар Марек Шеба, цїлкова планована інвестіція є 3,5 міліона евр, з того до 2,5 міліона піде на технолоґії а міліон евр є до выставбы складовой галы, котру треба поставити. З выробов планують зачати в новембрі. Самосправа бы мала за пронаём містьской промыселной галы рочнї здобывати 43.000 евр. Далшых приближно 470 евр рочнї буде компанія платити за фундуш, на котрім буде споминана гала.

(TASR, Шутіова)