У віторок 13-го децембра посвятили в Кошыцях Денный центер імени блаженого Теодора Ромжы, котрый зрядила Кошыцька ґрекокатолицька єпархія. Центер посвятив кошыцькый єпарха владыка Кіріл Василь. Під покровительством блаженого Теодора будуть просторы служыти на пасторачны актівности дітям, молодежи і родинам. В сучасности в центрі проходять головно стрічі з людми, котры втекли перед войнов на Україні. З владыком пришов і протосінкел єпархії Ярослав Лайчіак, ці єпіскопскый сінкел Войтєх Богач, котрый є одповідный за проєкт центра. На події были участны і представителі німецькой фундації Hoffnungzeichen, котра фінанчно помогла з реконштрукційов просторів, як і далшы гості.

(Медвідь, TSKE)