x

В Крайскій ґалерії в Пряшові выставлюють найкрасшы фотоґрафії Пряшівского края

00

Найкрасшы фотоґрафії з Пряшівского края за рік 2022 выставлюють в Крайскій ґалерії в Пряшові. Іде о оцїнены фотоґрафії десятого рочника фотоґрафічного змаганя Ідь і фоть, котры суть выдрукованы у великых форматах. Выстава в просторах Крайской ґалерії в Пряшові ся одбуде од 16.децембра 2022 до 29. януара 2023 рока. До змаганя ся в роцї 2022 запоїло 127 авторів, котры довєдна послали 547 фотоґрафій в шестёх катеґоріях. Орґанізатором змаганя є Крайска орґанізація путёвого руху Северовыход Словакії. О вітязох вырїшыла одборна порота. Довєдна 54 заберів творить путовну выставу. ,,Путовна выстава є укажков розмаїтости края а зарівно позванков на вылеты. Тїшыти ся можете на фоткы природы, не хыбують фоткы градів, традічной архітектуры і фолклорны мотівы,“ доповнив директор КОПР Северовыход Словакії Мартін Яношко.

(TASR, Шутіова)