В рамках Акчного плану розвоя окресу Меджілабірці, котрый влада СР одобрила в минулім року в літі было вытворено 157 робочіх місць. На вівторковім засідані влады в Меджілабірцях то на пресконференції увів підпредседа влады СР про інвестиції і інформатізацію Ріхард Раші. Як повів, „тот розбіг і вытвараня новых робочіх місць  быв насправды добрый і є амбіція, же ціль вытворіня 377 робочіх місць за пять років ся подарить переконати значно скоріше. В рамках свого побуту в Меджілабірцях єм навщівив і єдного з інвесторів, котрый в меджілабірцях давать роботу высше як 50 жытелям. Понукли сьме йому окрім іншого і можность черпаня фінанцій з реґіоналного вкладу і з европскых фондів якраз нато, абы ту взникнув простор про дальшых меншых інвесторів, котры бы доказали стабілізувати робочу силу а то значіть і жывот жытелів прямо в тім місті.“ (ТАСР, Пкф)