x

В Меджілабірцях одкрыли експозіцію присвячену Першій світовій войні

00

В пятницю 2-го юла 2021-го року одкрыли в Меджілабірцях експозицію присвячену Першій світовій войні. Свої просторы нашла в Домі културы і з приблизно 500 артефактами є найвекшов свого тіпу на Словакії. Як інформувала аґентура TASR, войнову історію приближує тота експозиція і посередництвом емоції. Як про аґентуру Мартін Дробняк з Клубу воєньской історії (КВГ) Бескіды, котрый вєдно з КВГ Дукля Пряшів у великій мірі поміг ку тому, жебы выникла експозіція, і жебы были запожычены артефакты, повів же „Перша світова война значно засягла місто Меджілабірці і така єкспозиція ту дословно бракувала“. Пріматор міста Владислав Вышньовскый про медія повів, же місто проєкт експозиції, але і обновы єдного з воєньскых цінтерів з Першой світовой войны в місті плановало вже дакілько років. Тот проєкт ся зреалізував вдяка дотації з польско-словацькой ґрантовой схемы. Як далі пріматор повів, простор про експозицію в Домі културы є дочасный. Місто хоче в  „короткій будучности“ приготовити проєкт на выбудованя музея. В рамках торжественной пятніцьовой події одбыло ся і посвячіня зреконштруованого воєньского цітенря і памятника з назвов Канон, котрый му домінує. (Жрідло фотоґрафії: FB/Daniela Galandová) (ЛЕМ.фм, Pkf)