В середу 23-го марца святкуєме Світовый день Русинів. Дата, котра была схвалена Світовым конґресом Русинів у 2017-ім році в хорватьскім Осієку, припоминать 1-ый Світовый конґрес, котрый одбыв ся у 1991-ім році в Меджілабірцях. Якраз там завтра будуть проходити і торжественны святкованя, котры орґанізує Русиньска оброда на Словеньску у співпраці з містом Меджілабірці. Проґрам зачне о пів єдной пополідне святочнов процесійов, котра піде ку Дому културы, в котрім першый конґрес проходив, там буде продовжовати далшый святочный і културный проґрам. Партнерами події суть Основна школа на Духновічовій уліці і орґанізація Лабірьскы Русины.

(Медвідь)