Град і сканзен в Старій Любовні одкрыли про людей уж віторок 20-го апріля, но святочне отворіня літньой сезоны буде традічні в послідню апрільову неділю 25-го апріля. Про TASR то потвердив директор Любовняньского музея Далібор Мікулик з тым, же на тот день приправили онлайн святу літурґію в градній капліці св. Михала, котру буде одправляти декан Павол Лацко. В неділю вечур о 19.30 год буде подля його слов онлайн презентованый і умелецькый проєкт Гуманум, де музей сполупрацовало з хореоґрафом танця Вілямом Мікулом, оріґіналну музыку скомпоновав Мартін Гусовскый а танець зреалізовала Марія Дулова. Навщівници собі можуть попозерати і обновленый палац Любомірскых. (TASR, Pkf)