В Попрадї прибыв далшый припад вірусовой гепатітіды тіпу А (VHA). Як інформує Реґіоналный уряд верейного здравотництва в Попрадї на вебовій сторінцї, в містї было дотеперь зазнаменаных 33 припадїв того захворїня. Уряд прияв веце превентівных кроків на заставлїня далшого пошырёваня наказы. Выглашков од 1. авґуста гіґіеніцї заказали выробу, приправу і подаваня небаленых похутин і напоїв в станкох а іншых амбулантных превадзках протягом вшыткых громадных подїй на теріторії міста. Од середы є зарівно позаставлене і безплатне выдаваня воды на Воднім барі на намістю. На превентівны крокы упозорнила самосправа на соціалній сїтї.

(TASR, Шутіова)