В Неділю Томину, 7-го апріля 2024-го року, до Просачова, філії парохії Ременины, завітав Высокопреосвященый владыка Йона, пряшівскый архієпіскоп і митрополіта. В містнім Храмі Успенія Пресвятой Богородіці кір Йона посвятив обновленый іконостас. Тото діло подарило ся вдяка охоті віруючіх, з підпоров Пряшівского самосправного краю і щірых донорів. Владыка в проповіді вызвав вшыткых, жебы щіро пережывали скушеность апостола Томы. По Божескій літурґії участны зышли ся в Културнім домі при сполочнім обіді і взаємных розговорах вєдно з владыком. Храм Успенія Пресвятой Богородіці в Просачові быв збудованый у 1843-ім році, парохом в Ременинах, під котры село належыть, од 2020-го року є протоєрей Марцел Пісіо.

(Медвідь, ISPA)