x

В роднім селі Добряньского посвятили новый іконостас

00

При нагоді 620-ой річніці першого писомного документу о селі Рудлов і 200-ой річніці од посвячіня Церькви Рождества Пресвятой Богородіці навщівив в неділю 26-го юна тоту ґрекокатолицьку парохію владыка Петро Руснак, апостольскый адміністратор Пряшівской архієпархії. Єпіскопа при вступі до храму привітав староста Рудлова Юрай Василь і адміністратор парохії Марек Страка. Владыка перед архієрейсков літурґійов посвятив у храмі новый іконостас. Рудлов є родне село русиньского будителя Адолфа Добряньского, котрого отець быв у селі парохом. Доднесь стоїть стара фара, котра є родным домом вызначного русиньского діятеля і політіка.

(Медвідь)