В селі Рокыцаны в окресі Пряшів одстранюють наслідкы понедільковой (2. 6.) заливы. Окрім наплавеной глины, смітя і пошкодженых мостів мають проблемы з водов і каналізаціов. Про пресаґентуру TASR то повів староста Роберт Шолтіс. В селі мають тыж пошкоджены два мосты, котры были выбудованы перед роком 1989 і не были, подля нього, сколавдованы. Шкоды селу прото, подля старосты, ніхто не переплатить. „Вода зничіла окрім іншого і технолоґію станіці на прочерпаваня каналізації з цілого села, то значіть є проблем з каналізаціов і одводжіньом каналізачных вод. Тыкать ся то скоро 300 людей, котры там бывають,“ сконштатовав Шолтіс і пояснив, же фекалії вытягують зо шпеціалізованым автoм і одвозять їх до чістярні одпадовых вод. (TASR, Pkf)