В селі Чірч в Старолюбовняньскім окресі ся перед святами містьтны Ромове перестягували до новых найомных будов. Староста Міхал Дідік про пресаґентуру TASR потвердив, же три меншы квартельны будовы выбудовав сельскый подник на фундушох, на котрых передтым збуряли пару схатралых хыжок. Будованя тырвало два рокы і выжадало собі  коло 600.000 евр. Селу ся на пілотный проєкт подарило здобыти средства з европскых фондів в рамках Операчного проґраму Людьскы джерела. Людей до новых квартельных будов село выберало на основі жадостей подля многых крітерій і так повідаючі за заслугы. Жадателі мусіли мати наприклад роботу, несміли мати довг у звязку до села і їх діти мусіли мати безпроблемове доходжіня до школы. Найомный договор достало 12 родин покы на єден рік. В селі жыє коло 1400 обывателів, з того скоро пятину творять  Ромове. (TASR, Pkf)