Кількость жытелїв в селї Чірч недалеко Старой Любовнї, котрым треба бываня, ся каждым роком підвышать. Староста села Михал Дідік (Za ľudí) інформовав, же і зато рихтують нову локаліту, де поступно взникне 54 ставебных фундушів. Інвестіцію асі за 700 000 евр буде село фінанцовати з властных жрідел. Часть накладів бы ся мала вернути самосправі в подобі прийму з продая фундушів. Проєкт мать веце етап, причім в рамках першой, з котров зачнуть уж в яри того рока, взникне 18 фундушів. Окрем того мать в селї прибыти і дїтьске гріско. За підвышуючім трендом кількости жытелїв в Чірчі є подля старосту і творьба новых робочіх міст в селї, обчаньска выбавленость, підпора шпорту і културы. ,,В селї бы сьме іщі хотїли поставити купаліско, жебы родины з дїтми мали де перебывати вольный час,“ додав Дідік.

                                                                                                        (Шутіова, Korzár)