Село Стащін у співпраці з Арборетумом і Фізіоґрафічным інштітутом в польскім місті Болестрашыці почінать реалізовати черезгранічный проєкт заміряный на охрану природы. В рамках нього посадять стары сорты садовин і парковых стромів. Проєкт Пакт про зелены плюца польского-словацького приграніча далше рахує з вытворіньом практічного приручника о охрані природной дідовизны, пропозіційов візуалізачных елементів і інформачных таблічок, як і з выпрацованьом сполочной стратеґії охраны зеленых плюц. Розвивати має співпрацу в пригранічнім реґіоні меджі інштітуціями і жытелями. Резултатом має быти довгодобе перепоїня словацькых і польскых партнерів, зліпшіня охраны природы і културной дідовизны, а підвышіня свідомости о енвіроментално утримательнім розвитку в пригранічнім реґіоні. Проєкт є співфінанцованый Европсков унійов в рамках проґраму Interreg Польща – Словакія, і реалізація потырвать до кінця марца 2027-го року.

(Медвідь, TASR)