В Пряшівскім краю прибыла нова выглядкова вежа з вышков 14,2 метра на цілковій вымірі 17,64 метрів квадратных. Тот раз над Удольсков скалков в катастрі села Удол, Старолюбовняньского окресу. Як інформовало Одділіня комунікації Пряшівского самосправнеого краю (ПСК), ку выбудованю поміг і край через свій ґрантовый проґрам. На нову триштокову выглядкову вежу дав Пряшівскый самосправный край дотацію в цілковій сумі 20 тісяч евр з проґраму Вызва про реґіон. Проєкт реалізовав ся вєдно із реконштрукційов біціґльового алтанку, котрый є єднак близко вежі і є єднак частьов  біціґльовой стежкы, котра капчать Удол із селом Плавеч. Найвысшый шток дає навщівникови панораматічный погляд на села околіці як Плавніця, Громош, Люботин, Шарішске Ястрабя, Гайтівка, а так само на градну вежу Любовняньского граду. Реалізаторы проєкту думали і на то, же вежа будує ся в русиньскім реґіоні, і так є означена і в русиньскім языку. (ЛЕМ.ФМ, Пкф)