x

Кошыцї ся приготовлюють на папу, участницї мусять быти зареґістрованы

00

Каждый, хто буде хотїти брати участь на проґрамі і стрїчі з папом Франціском в Кошыцях в рамках ёго септембровой навщівы Словакії, буде мусити быти зареґістрованый. На четверёвім бріфінґу то потвердив говорця Архієпіскопского уряду в Кошыцях Ярослав Фабіан. Папа ся 14. септембра стрітить в Кошыцях з ромсков комунітoв на сідліску Лунік IX а наслїдно з молодежов на штадіонї Локомотівы. Як припомянув кошыцькый архієпіскоп метрополіта Бернард Бобер, Святый Отець сі сам становив пріоріты. Тоты темы розвивать і у своїм понтіфікатї. Подля Бобера є в повязаню з путёв папы до Кошыць важне похопити, же ,,хоче прийти, жебы посилнив віру в добро“. Од 1. авґуста бы мала быти про участників ёго навщівы спущена реґістрація.

(TASR, Шутіова)