Електричный кондуктор в крипті з остатками павшых вояків з першой світовой войны в селі Осадне в окресі Снина змодернізували. До превадзкы го офіціалні спустили в послідніх дньох. Пресаґентуру TASR о тім інформував єй духовный справця Петер Сорока з тым, же актуалні апарат ся перед веце як роком показив з причіны вогкості. Окрім в словацькім, російскім, анґлицькім, німецькім і польскім языку розповість вшыткы інформації ї в русиньскім і мадярьскім. Модернізація была повязана і у звязку зо зліпшіньом німецького языка. Даный проєкт быв підпореный з розрахунку Пряшівського самосправного края. Змодернізованям апарату хочуть подля Сороку кріпту іщі веце отворити навщівникам нелем з домова, але і зо загранича. (TASR, Pkf)