В сниньскім окресі жыє в 33 гніздах 86 малых боцанчат. Є то найвысша кількость приростків, яку охрaнцёве зазначіли од року 2003, кедь з реґуларным моніторінґом зачали. ТASR о тім інформовала Мартіна Власакова зо Справы Народного парку Полонины. В рамках каждорічного моніторінґу, котрый НП Полонины робить в сниньскім окресі, нашли охранцёве бігом трёх дней у 18 з 25 сел обсадженых довєдна 33 гнізд. Найвеце, вісем, в котрых прожывать довєдна 27 екземпларів, їх є в Довгім над Цірохов. Порожніх боцаніх гнізд є на слідованій теріторії 19. В повязаню зо слідованём боцанів білых Власакова на соціалній сітї увела, же подля штатістікы мусять родиче боцанчат в часї выховы забезпечіти про штири боцанчата денно холем три кіла стравы. Є то приближно 10-годинова робоча смена.

( Шутіова,TASR)