В Меджілабірцях буде выбудованый водный резервоар, котрый приспіє к адаптації міста на зміну клімы. На тот проєкт місто здобыло  ненавратный фінанчный вклад у вышці два міліоны евр з Проґраму Словакія, і то без нутности сполуфінанцованя з боку самосправы. Інформував о тім уряд міста на соціалній сіті. Цільом проєкту є выбудовати водозатримуючі опатріня, котры уможнять затримати і нагромадити доджову воду. Водный резервоар мать повнити країнотворну, естетічну, рекреачну і енвіроменталну функцію. (TASR, Pkf)