Єпарха Мукачівской ґрекокатолицькой єпархії владыка Мілан (Шашік) мав через вікенд тяжку гаварію. Інформовалa о тім Пресова канцеларія Конференції епіскопів Словакії одкликуючі ся на словацьке католицьке радіо Lumen.Як інформовало радіо, авто, в котрім сидів владыка Мілан, на южній Словакії зразило ся з автом, кторе перешло до протинапряму і передньов частьов наразило до авта владыкы. В авті, котре ішло в протинапрямі, были три особы, якы гаварію не пережыли. Єпіскоп і його шофер были зранены і госпіталізованы. Єпіскопа подля радія пропустили зо шпыталю на реверз і лічіть ся дома в Ужгороді.Владыка Мілан быв через вікенд в Мадярьску, на дводньовій єпархіалній пути ку Чудотворній іконі Маріяповчаньской Богородіці зо своїма священиками і вірниками.

(Медвідь)