Надація Пряшівского самосправного края (ПСК) про підпору родины рішыла розподілити далшу фінанчну і нефінанчну поміч меджі жытелів Пряшівского краю, котры суть одказаны на поміч. Меджі 57 жадателями было конкретно перерозділено 29.600 евро і конкретны дары. Пресаґентуру TASR о тім інформовала говоркыня ПСК Даша Єленьова. Председа ПСК Мілан Маєрскый інформував, же надація ся дале снажыть помагати што найвекшому чіслу людей, котры суть одказаны на  поміч. Од року 2019 надація помагать реґулярно, зо спонзорьскых дарів і публічных збірок. За веце як шість років уж помогли понад 1250 єднотливцям і родинам і то в сумі 900.000 евро. Вчера Надачна рада рішыла підпорити 57 жадателів: 21 з Пряшівского окресу, по 5 з Бардейовского і Кежмарского, по 4 із Сниньского і Старолюбовняньского, по 3 з Гуменьского і Попрадского, по 2 з Меджілаборецького і Сабінівского, і по 1 із Свідницького і Вранівского окресу. (TASR, Pkf)