x

На граді Бреков одбуде ся реконштрукція історічных подій

00

Історічны події з 1619-го року зреконштруують на граді Бреков в окресі Гуменне в неділю в рамках Друґетовскых градных славности. До біткы меджі вояками ґрофа Юрая ІІІ. Друґета і войском княза Ґабрєла Бетлена будуть шермяри вербовати і малых навщівників. Пресову аґентуру TASR о тім інформував Станіслав Мацінскый зо Здружіня на захрану Бреківского граду. Припомянутя подій, котры были частьов противгасбурского повстаня, буде главным цільом пятого річника події реалізуваной в сполупраці зо селом Бреков. Членове ґрупы історичного шерму Вікомт зо Снины приближать навщівникам приход домашнього ґрофа Друґета на град, його увітаня кастеланом, тренованя градной команды і тыж хоснованя добовой зброї. Хыбати небуде ани славностный выстріл з канона. Окрім іншого навщевникам буде отворене і градне музеум, градна винна півніця ці іншы добовы атракції. (TASR, Пкф)