На Граді Любовня приправили про навщівників в часі свят інтересный проґрам. З Любовнянского музеа інформували, же тішыти ся можуть на рождественный  концерт, театральне выступліня  і тематічны огляды. На першый день  рождественного свята у вівторок 26-го децембра одбуде ся Рождественный концерт важной музыкы в градній каплиці. О день пізніше в середу 27-го децембра ріхтують на граді театральне выступліня під назвом Рождество на ґаздівстві ґрофа Замоиского в котрім буде приближеный жывот Яна Замоиского з родинов в часі зимных радованок на санках і ліжах. Окрім того ся можуть навщівници од 28-го до 31-го децембра тішыти і на тематічны рождественны огляды з лектором, в котрых будуть представлены рождественны звыкы на арістократьскім дворї і в реґіоні северного Спіша. Град є од октобра запертый, градны браны будуть але про навщівників вынятково отворены од 27-го децембра до 7-го януаря, з выїмков першого дня нового рока. (TASR, Pkf)