В стародавнім ґрекокатолицькім путницькім центрі – Клокочові, одбыв ся почас вікенду 12-го і 13-го авґуста єпархіалный одпуст з нагоды праздника Успенія Пресвятой Богородіці. Головну архієрейску літурґію в неділю одслужыв владыка Мілан Лах, помічный єпіскоп Братіславской єпархії. Вєдно з ним служыв і емерітный кошыцькый єпарха владыка Мілaн Хаутур а духовенство із Словакії і Україны. На кінцю вшыткым за кошыцького єпарху владыку Кіріла Василя, якый выконує візітацію в Індії, подяковав протосінкел Кошыцькой єрхії архімандріта Ярослав Лайчіак, котрый вшыткых позвав до Клокочова на 16-го септембра, коли там як путник завітать Піетро Паролін, державный секретарь Святішого Престола.

(Медвідь, TSKE)