Мiнiстeрство інвeстиції, регіоналного розвоя і інформатізації СР і Пряшівскый самосправный край (ПСК) подтвердили сполочный замірь упростити і прискорити выужываня європскых фондів на Словакії. Веджіня резорту і края на сполочній вчерайшій стрічі 31-го марца окрім іншого одкрыли вопрос актуалного стану імплементації проєктів в рамках механізму інтегрованых теріторіялных інвестицій за ПСК. Результатом стрічі было тыж  меморандум про сполупрацю при розвитку водного обєкту Домаша, а тыж штирьох проєктовых договорів, котры ся дотуляють актівіт в Попраді та модернізації школ у Голчіковцях, Подолінці і в Бардійові. Джеело фотоґрафії: ПСК (Pkf)