Споминковы ославы 75-го выроча Словацького народного повстаня одбудуть ся скоро у вшыткых містах нашого реґіону. Покы собі Повстаня припомянуть днесь 28-го авґуста, в Меджілабірцях і в Ганушовцях над Топльов ся пєтны акты кладжіня вінців к памятнику одбудуть в пятницю, 30-го авґуста. Так наприклад, місто Снина собі події з перед 75 роками припомянуло упоминаючов памятков при памятнику жертв  другой світовой війны уж о 11-ій годині. У Вранові над Топльов ославы СНП ся одбудуть на два разы.  Памятци жертв дають честь кладжіньом вінців і квітів к Памятнику  героям і бойовникам о 14.30 годині . В містькій части Чемерне ся при памятнику павшых о 18.00 годині одбуде упоминаюча споминка з нагоды Дня честі жертвам войны. На кладжіню вінців буде брати участь і 22-ый механізованый прапор Михалівці. Частьов події буде тыж реліґія за жертвами воєн. Выступліня буде мати і Ґрекокатолицькый храмовый колектив благославеного Петра Павла Ґойдіча.  В Гуменнім споминковый акт ся одбуде при Памятнику вдякы. Буде му передходити славностный поход од містького уряду спроваджаный дыховым орхестром Хемлон. На події буде мати своє выступліня і Співацькый колектив гуменьскых учителів.  В найвекшім місті верхнього Земплина ся з нагоды ослав СНП буде зо зачатком о 21-ій годині указувати і філм Бохер і смерть. (TASR, Пкф)