Од 1. мая стане діючім закон о соціалній економікі і соціалных подникох, котрый дасть можность властникам – превадзкователям соціалных подників прияті зневыгодненых і тяжко заместнательных людей і здобыти штатну дотацію. О тій можности в минулім тыждні дискутовали в Пряшові ,,за окрухлым столом,, штатный секретарь Міністерства праці, соціалных справ і родины СР Браніслав Ондруш зо заступцями штатной справы, пріматорми і старостами Пряшівского края. Нова форма фінанчной помочі бы мала мотівовати головно самосправы, абы давали тым людям роботу, котры ші ніґда неробили, немають робочі навыкы, або людям котры суть довго без роботы ці іншым способом зневыходненых. Мало бы іти і о людей, котры ся уж успішні освідчили на актівачных роботах і хочуть робити на цілый робочій обовязок. Штат на підпору соціалного подниканя в часі найближшых штирьох років выділив коло 120 міліонів евр. Суть то передовшыткым фінанції з Европского соціалного фонду. Резорт праці в тых днях орґанізує серію стріч в єднотливых краях. В Пряшові ся одбыла перша така стріча в рамках Словакії.
(ТАSR, Кімaк-Фейко)