Попрадскый пріматор Йозеф Шваґерко высловив ся до ситуації коло позитівной дыховой скушкы за волантом потім, што го в середу, 16. авґуста, в пополідняйшых годинах заставила поліція при містьскім цвінтарї в напрямі на село Великый Славков. При контролі ся подробив дыховій скушкі на алкоголь, де наміряна годнота была бівше як єдно проміле. У своїм выголошіню пріматор уваджать, же собі цалком усвідомлює ситуацію, котру запричинив і є приправеный нести вшыткы наслідкы і одступити з посту пріматора міста.
(Петро Кімак-Фейко)